Episode 23 — Alexis + Serena

Սեղմեք նարնջագույն կոճակը լսելու համար

Press orange button to listen

Нажмите оранжевую кнопку для прослушивания

Alexis Ohanian and Serena WIlliams are about to witness one of the most important and beautiful miracles in their lives.

Ինչ թույն կլիներ, եթե Ալեքսիս Օհանյանը և Սերենա Ուիլյամսը …

 

ՏԵՔՍՏԸ ՉԽՄԲԱԳՐԱԾ

Ողջույն ժողովուրդ, ներողություն կտրված ձայնիս համար, այսօր մենք կխոսենք Ալեքսիս Օհանյանի և Սերենա Ուիլիամսի մասին, բայց մինչ այդ հիշեցնեմ , որ here.am-ում դուք կարող եք լսել լավ երաժշտություն 24 ժամ՝ առանց գովազդ:

Անդրադառնամ նախկին երկու էպիզոդից ստացված արձագանքներին, նախ ուրախ եմ, որ օգտակար եղա Հունաստանի հարցով, պարզվում է մենք իրոք մենք չգիտեինք, որ Հունաստանը էդքան հասնելի է, բացի այդքան համով, այդքան գեղեցիկ, այդքան ապահով և այդքան հաճելի լինելուց, Հունաստանը իրոք բավականին հասնելի է՝ Թուրքիայից հասանելի, Վրաստանից հասանելի, Եգիպտոսից հասանալի, էժան, Դուբայից էժան էնպես, որ բարի ճանապարհ դեպի Հունաստան:

Ավրորայի էպիզոդից հետո պարզվեց, որ ոմանք իրոք մտածում են, որ Ռուբեն Վարդանյանը ավելի լավ կլինի, որ իր գումարները ծախսեր Հայքում հայերին ինչ որ շոշափելի օգնություն տալու համար: Գիտեք ինչ, եկեք էսպես պայմանավորվենք, երբ որ դուք փող ունենաք դուք անպայման տենց ծախսեք էդ գումարները հա և եկեկ լավ բաների մեջ վատ բաներ չման գանք, եթե ես ինչ-որ մեկին վիրավորում եմ էս ասելով ասեմ, որ այս փոդքասթը ընդհանրապես չի ստեղծվել, որպեսզի հաճոյախոսվի, կոմպլիմենտներ արվի, այդ փոթքաստթը ստեղծվել է, որ ինչ-որ բանով օգտակար լինի և անպայման չի որ էդ օգտակար բանը հաճելի լինի: Շատ բաներ կան կյանքում, որ օգտակար են բայց հաճելի չեն՝ օրինակ դեղը, դառն է բայց օգտակար է,

Anyways եկեք անդրադառնանք այսօրվա թեմային: Ուրեմն մի հատ միտք ունեմ, բայց մինչև էդ ո՞վ է Ալոքսիս Օհանյանը և ո՞վ է Սերենա Ուիլիամսը:

Ալեքսիսը, դե իմացողները գիտեն, ինքը Reddit սոցիալական նորությունների ցանցի համահիմնադիրն է և համակեղինակը, Reddit-ը ժողովուրդ շատ մեծ ա` ինքը աշխարհում 7րդ ամենաայցելվող կայքն է և ԱՄՆ-ում 4րդ ամենաայցելվող կայքն է, այսինքն faceboօk-ի նման մի բան ա, և ի միջիայլոց ասեմ, որ Ալեքսիսը ինքը, Ալեքսիս Օհանյանը ինքն է իր բոլոր ընկերությունների ապրանքանիշների դիզայնի հեղինակը: Ալեքսիսի հայրը ամերիկահայ է , մայրը գերմանացի, ծնվել է, ի միջիայլոց, խեղճ տղեն, Ապրիլի 24-ին 1983 թվականի:

Մենք, իհարկե, չենք գիտակցում Reddit-ը, էն ինչ որ ինքը ստեղծել ա էդ սոցիալական ցանցը ինչ ա, որովհետև մենք facebook-ով ենք հիվանդ, մենք facebook-ից էն կողմ բան չենք տեսնում: Մենք իմացանք facebook-ը ինչ ա ավելի շուտ քան իմացանք ինտերնետը ինչ ա ընդհարապես, մի խոսքով Ալեքսիս Օհանյանը facebook-ի նման մի բանի համահեղինակն ա և ինքը հասուն տարիքում սկսեց գիտակցել Հայքը ինչ ա իրա համար, ինքը ով ա Հայքում, ով ա էլե, ինչ ա էլե և արդեն 4 անգամ այցելեց Հայք:

Ընդհանրապես, ի միջիայլոց, եթե Ալեքսիսը չլիներ TEDx Yerevan չէր լինի, որովհետև ինքը այդ անիմջական մասնակցությունը ունեղավ TEDx Yerevan-ի ստեղծման, որովհետը TEDx-ի լիցենզիա ունենալը բավականին խիոստ պայմանների հետ ա կապված և բավականին դժվար է և Ալեքսիսը այդ ամենը կզամակերպեց և շատ լավ և շատ արագ, մի խոսքով ինքը դեմք ա համաշխարհային՝ գրքերի հեղինակ և այլը և այլը:

Հիմա խեսենք իր նշանածի մասին՝ Սերենա Ուիլիամսի մասին, Սերենային պետք ա, որ էլի շատերս իմանանք, ինքը բազմաթիվ…ինքը թենիսիստուհի ա, բազմաթիվ անգամներ հաղթել ա Wimbeldon-ը, Australia Open-ը, French Open-ը, էդ Grand Slam-ի բազամաթից անգամ՝ 23 անգամ չեմպիոն ա էղել, եթե ճիշտ եմ հիշում, բազմաթից անգամներ չեմպիոն ա եղել զույգով խաղալով, մի խոսքով Սերենան սպորտի աշխարհում թագուհի ա, մի հոյակապ անձնավորություն: Ես պետք ա բոլորին խնդրեմ Սերենային նույնպես վերեբերվեք, ոնց որ մեր փեսուն էինք վերաբերվում հա երբ, որ եկել էր Երևան և նույն ջերմությամբ մեր հարսիկին ա պետք վերաբերվել:

Իհարկե երբ և եթե Սերենան գա Հայք պետք ա ամեն ինչ արվի որ էս անգամ ՀՀԿ տատիկը իր հերթական ոտնձգությունը չանի, չնայած ինքը անկանխատեսելի ա մենք չենք կարող ապահովել ոչ մի բան, բայց դե ամեն դեպքում:

Ալեքսիսը և Սերենան երեխա են սպասում, դեռ սեռը չգիտեն, հիմա ի՞նչ եմ ես էս ամենը պատմում, ընդհանրապես ինչ եմ էս էպիզոդը ձայնագրել էս թեմայով, ուզում եմ, որ իրանց իրանց երեխային տան հայկական անուն, իհարկե ուզում եմ լավ եմ անում, բայց իմ ուզելը քիչ ա դա պետք է շատ զգույշ արվի, շատ գեղեցիկ պետք ա բերել իրանց էդ քայլին՝ ռուսերեն ասած технично, շատ նուրբ պահեր կան էլի ստեղ:

Ես հետևում եմ Ալեքսիս Օհանյանին twitter-ում և մեկ-մեկ մենք իրար լայքում-լայքրտում ենք, բայց սենց շատ զգույշ tweet մի օր գրեցի ու իրան ու Սերենային tag անելով գրեցի հետևյալը, վայ մի րոպե twitter-ս բացեմ, որ բառացիորեն ասեմ, բայց մինչև twitter-ս բացվում ա, ասեմ որ, հիշացնեմ, որ էս էպիզոդից հետո սենց չհարձակվեք իրանց վրա էդ նույն բանով, ուղղակի շատ технично պետք ա մտածենք ոնց անենք, որ էդ մարդիկ գան էդ եզրակացության, որ էդ երեխային պետք է տան հայկական անուն:

Սենց մի բան էի գրել՝ how cool it would be if fantastic Serena Williams and sharp-minded Alexis Ohanian choose a beautiful and meaningful Armenian name for their kid, թարգմանաբար կստացվի՝ ինչ թույն կլիներ, եթե ֆանտաստիկ Սերենա Ուիլիամսը և սուր միտք ունեցող Ալեքսիս Օհանյանը ընտրեին մի գեղեցիկ և իմաստալից հայկական անուն իրենց երեխայի համար: Այսինքն էս գրածիս մեջ համ կոմպլիմենտ կա` այսինքն կոմպլիմենտից սկսում ա հա՝ նախ ֆանտաստիկ Սերենա Ուիլիամս, սուր մտքսվ Ալեքսիս Օհանյան հա, ոնց որ սենց փափկացնում ես էլի համ Սերենային համ Ալեքսիսին, այսինքն արդեն գրավում է հաճելիորեն իրանց ուշադրությունը, կա միտք հաղորդագրությունում հա, որ անունը ոչ միայն հայկական պետք է լիներ լավ կլիներ թող ինքը լիներ, այլ գեղեցիկ և իմաստալից հայկական: Երկուսի անուններն էլ mention էի արել հա, tag էի արել, այսինքն պոտենցիալ երկուսն էլ կարդացել են հա հուսով եմ:

Ինչի՞ եմ մտածում կարդացել են, որովհետև բացառապես Սերենայի մասին թվիթող մի account, մի օգտատեր ինքը միանգամից retweet արեց դա, այսինքն վերահրատարակեց դա՝ իմ գրածը, և էդ էջին հետևում ա Ալեքսիսը և Սերենան, բայց իհարկե մի անգամ կարդալը քիչ ա ժողովուրդ, մենք պետք ա մտածենք , ոնց անենք, որ իրանց մոտ էդ միտքը առաջանա, որովհետև միտք կարա առաջանա, բայց միտքն էլ ա քիչ, ցանկություն պիտի առաջանա:

Խնդրանքս հետևյալն ա, իհարկե սա Հայոց Հարցը չի, հանկարծ չմտածեք, որ ես էպիզոդով, էն որ ասում ա մեր բոլոր պրոբլեմները թողած ուզում եմ թիթեռ նկարենք, բայց եթե դուք էլ ունեք նման ցանկություն՝ շա՜տ նորբորեն, շատ զգույշ սկսեք մտածել թե ոնց անենք, որ աշխահին հայտնի, շատ հայտնի, շա՜տ հայտնի այդ զույգը իրանց երեխայի անունը դնի նենց անուն, որ բոլորը հարցնեն, իսկ էդ ի՞նչ անուն ա, իսկ էդ ի՞նչ լեզվով ա էդ անունը, իսկ ի՞նչ ա նշանակում, իսկ ինչի՞ հենց հայերեն, հետո…շատերը անգամ չգիտեն, որ Ալեքսիս Օհանյանը ունի հայկական ծագում, որ սկսեն հետաքրքրվել և այլ և այլը:

Էս փոքր բաներից ա սկսում ամեն ինչը, մենք երբ որ աշխարհի քարտեզի վրա չենք երևում, շատ քարտեզների վրա ընդհանրապես թվով ենք նշած, հետո ներքևը գրած ա, որ համար 16-ը Հայքն ա , կամաց-կամաց ես քայլերով պետք ա մենք մեր մասին իմացնել տանք, իմացնել տանք ճի՞շտ եմ ասում, երևի, ամեն դեպքում էսօրվա էպիզոդս այսքանն էր, մնացեք բարով:

Episode 22 — Consider Greece

Սեղմեք նարնջագույն կոճակը լսելու համար

Press orange button to listen

Нажмите оранжевую кнопку для прослушивания

Preparing for summer holidays? Consider Greece! Greece is secure, affordable, yummy, beautiful and friendly.

Hotel Villa Cariatis in Nea Kalikratia is here.

Պատրաստվում եք ամառային հանգստի՞, հաշվի առեք Հունաստանը: Հունաստանը ապահով է, մատչելի է, համեղ է, գեղեցիկ է և ընկերասեր է:

Հյուրանոց Նեա Կալիկրատիա քաղաքում այստեղ.


ՏԵՔՍՏԸ ՉԽՄԲԱԳՐԱԾ

Ողջույն բոլորին, ողջույն, ամառը սկսվել է և այսօր` մեր 22-րդ էպիզոդում մենք կխոսենք ամառային հանգստի մասին, թե ինչպես այն կազմակերպել ավելի հաճելի , ավելի ապահով, ավելի համեղ, ավելի արագ և ավելի էժան, իսկ մինչ բուն թեմային անցնելը ուզում եմ շնորհակալություն հայտնել բոլորից, ովքեր արձագանքում են:

Ձեր բազմաթիվ նամակների համար եմ ուզում շնորհակալութուն հայտնել: Ուզում եմ նորողություն խնդրել, որ չեմ կարողանում շատ հաճախ chat-ին արագ և անմիջապես արձագանքել, որովհետև պահեր են լինում երբ հանդիպման մեջ ես կամ ղեկին ես և ուղղակի անհարմար է և անվտանգ չէ գրելը, շատ շնորհակալ եմ ամեն դեպքում, իսկ հիմա բուն թեմայի մասին:

Արդեն Հունիս ամիս է և մենք բոլորս իհարկե պետք է հանգստանանք, ընդհանրապես հանգիստը շատ կարևոր է, շատ-շատ կարևոր է: Ոմանք մտածում են գնան երկրից դուրս, իհարկե շատ պարագաներում դա ավելի էժան է քան մնալ Հայքում և օգտվել մեր բազմաթից և շատ լավ հանգստյան գոտիներից, բայց որոշ գոտիները իրոք ավելի թանկ են քան արտասահման մեկնելը: Ամեն դեպքում եթե դուք մտածում եք դուրս գնալու մասին, ոմանք մտածում են գնալ Վրաստան, Քոբուլեթի, Ուրեկի, Բաթումի, նման տեղեր, ոմանք մտածում են գնալ Եգիպտոս, խոսքը ծավային տեղերի մասին է հա, ոմանք մտածում են անգամ գնան Թուրքիա, ոմանք մտածում են գնան ոչ ծովային տեղեր չգիտեմ՝ Վիեննա, Փարիզ, Ամերիկայի Միացյալ Նահանգներ, Իտալիյա:

Իհարկե այդ բոլոր տեղերը, անգամ Թուրքիան, ես չեմ կարող մեղադրել իհարկե, ես չէի գնա, բայց մարդիկ են որոշում ինչպես անցկացնել իրենց հանգիստը, որոշ մարդիկ զուտ էժանության համար գնում են Թուրքիա կամ Վրաստան՝ մտածելով թե այդ տեղերը ավելի էժան են, բայց իհարկե Վրաստանը օրինակ կամ Եգիպտոսը, մանավանդ Թուրքիան միգուցե և էժան լինեն բայց հաստատ անվտանգ չեն, մանավանդ բոլորս տեսանք թե ինչեր է կատարվում ես վերջերս թեկուզ նույն Վրաստանում:

Ես ձեզ ուզում եմ մի խորհուրդ տալ իմ սեփական փորձից՝ հաշվի առնել Հունաստանը: Նախ Հունաստանը մեր շատ լավ բարեկամն է և երևի միակ ՆԱՏՕ-ի անդամ երկիրն է, որ մեզ այդպես մոտ է և այդպես բարեկամաբար է վերաբերվում: Հունաստանը…չգիտեմ եթե դուք չեք եղել Հունաստանում դուք չեք եղել արևմտյան ցիվիլիզացիայի կենտրոնում, որովհետև Հունաստանը, հույները ընդհանրապես աշխարհին և մարդկությանը այնպիսի բաներ են տվել, որ մենք դեռ մինչև հիմա ապշած ենք բոլորս: Երևի թե սկսեմ նրանից, որ ասեմ Հունաստանում շատ էժան է, դուք կզարմանաք, բայց էդ նույն Թուրքիաներից, Քոբուլեթիներից շատ էժան և ես իհարկե հետագայում կբացեմ այս չակերտները և իմ էպիզոդի here.am-ում, էպիզոդիս տակը անպայման կտամ հղում մի հյուրանոցի, որտեղ որ մենք արդեն 2րդ տարին է հանգստանում ենք և ֆանտաստիկ տեղ է, բայց դեռ դրան կանդրադառնանք:

Հունաստանում ապահով է, Հունաստանում շատ գեղեցիկ է, շա՜տ, Էգեան ծովը, որը որ ֆանտաստիկ մաքուր ծով է և շատ հաճելի և այն քաղաքը, որը որ ես խորհորդ եմ տալու նա նայում է ուղիղ Օլիմպոս սարին, հեռվում եթե երևում է Օլիմպոս սարը և ընդհանրապես Հունաստանում համեղ է, գժական, գժական համեղ է: Հույները մեզ շատ են սիրում, հույները շատ հանգիստ ազգ են, շատ քեֆչի ազգ են, շատ ուրախ ազգ են, շատ լուսավոր ազգ են, շատ գեղեցիկ ազգ են, շատ խելացի ազգ են: Հունաստանը, չգիտեմ, ինչի համար… ես երևի թե մոտիկ հա, Հայքին մոտիկ ավելի լավ հանգստանալու, պասիվ հանգիստ, որը որ իրոք շատ հաճելի է՝ դու քեզ լավ ես զգում և անգամ գումարն էլ, որ ծախսում ես գիտես, որ ծախսում ես մեր բարեկամների համար, էլ չեմ ասում, որ անկեղծ ասած, եթե անգամ էդ նույն Թուրքիաներից էլ թանկ լինի, Եգիպտոսներից էլ տանկ լինի, թանկ է լինելու մի 10-15%-ով, բայց չեմ կարծում, անգամ չեմ կարծում:

Լավ, ո՞նց է ձեզ համար 4 տեղանոց, երկու հարկանի սենյակը, ուշադրություն, 4 մեծ մարդու համար սենյակ երկու հարկանի՝ առաջին հարկում երկու մահճակալ, երկրորդ հարկում երկու մահճակալ, 3 աստղանի հյուրանոց՝ ձեզ ավելը պետք չի, որտև դուք ամբողջ օրը լինելու եք կամ ծովի ափին կամ էդ կաֆեներում, սրճարաններում և այլը և այլը: Ո՞նց է ձեզ համար յուրաքանչյուր մարդու բաժանած այդ սենյակի գինը յուրաքանչյուր անձի համար 17€` նախաճաշը մտնում է այդ 17€-ի մեջ և նախաճաշը բավականին լավն է, այսինքն ի՞նչ է մարդկանց դրդում անտեսել այդ տարբերակը և գնալ ինչ-որ այլ երկիր որտեղ, որ իրոք ապահով չի:

Հիմա տեսեք խոսքը գնում է Հունաստանի քաղաքներից մեկի մասին, փոքր քաղաք է, որը կոչվում է Nea Kalikratia և մենք երկրորդ տարին է արդեն էնտեղ ենք գնում և իրոք վայելում ենք մեր հանգիստը: Ես սիրում եմ Հունաստանը, սիրահարված եմ Հունաստանի վրա, հավատացեք էդ մշակութը , էդ ամենը, որ կա Հունաստանում իրոք չկա ոչ մի այլ տեղ:

Նախ քաղաքը՝ Nea Kalikratia-ն գտնվում է…ես հղումը անպայման կտամ էպիզոդիս ներքևը, այն հյուրանոցի, որտեղ… և իհարկե էդ քաղաքում կան , փոքրիկ քաղաք ա բայց կան բազմաթիվ հյուրանոցներ և ծովափը՝ շատ մաքուր, շատ գեղեցիկ, ամբողջ ծովափի տարածքում կա wi-fi անվճար և որբ որ դուք նստում եք որևիցե տեղ այդ ափում և պատվիրում եք ցանկացած մի բան՝ թեկուզ սուրճ, ձեր ամբողջ օրը կարող եք անվճար անցկացնել և այդ անվճարի տեղը… այդ անվճարի մեջ մտնում է նաև արևանոցը, ձեր պարկելու տեղը, չգիտեմ, шезлонг, тапчан հայերեն չգիտեմ ոնց ա: Ֆանտաստիկ պայմաններ՝ և ձեր սուրճը և ձեր ջուրը, ձեր ուտելիքը … մարդիկ ժամերով չեն գնում էդ ծովափից, այդ ամենը բերվում մատուցվում է հենց ձեզ պարկած վիճակում: Նորից ասեմ wi-fi-ը անվճար ամբողջ ծովափում՝ լավ, բարձր որակի wi-fi, ամբողջ ծովափը սենց lounge տեղեր են, ջուրը մաքուր:

Հյուրանոցը որտեղ որ ես քիչ առաջ ասեցի, ուրեմն էդ հյուրանոցից դեպի ծովափ 80 մ. է, 80 մ. Այդինքն էրեվում է ծովափը, հյուրանոցից դուք կարող եք տեսնել: Էս հյուրանոցը ուրեմն Պոնտի հույներին է պատկանում, մի ընտանիք է, որը որ շատ հաճելի ընտանիք է խոսում է ռուսերեն նաև, շատ հաճելի հյուրանոց, շատ հաճելի…սենց ասեմ՝ մինիմալ պայմանները ստեղծված հյուրանոց, իհարկե դա եսիմ գժանոց հյուրանոցներից չի, բայց նորից եմ ասում ձեզ պետք չի դուք շորտերով գնալու եք պառկեք ձեր հյուրանոցում քնեք հետո առավոտյան գնաք բան՝ ծովափ:

Ուրեմն նորից կրկնեմ մոտավորապես մեկ անձին մոտ 17€ է նստում էդ հյուրանոցում ապրելը և նախաճաշն էլ մեջը, հյուրանոցը 80 մետրի վրա է գտնվում ծովափից, անբողջ ծովափը արևանոցներ են, պարկելու տեղեր, тапчан-ներ և դրանք անվճար են եթե դու որևիցե բան ես պատվիրում ուտելու կամ խմելու, ամբողջ ծովափը ունի wi-fi, իսկ քաղաքը ինքը ասեմ ձեզ ամեն տարի աճում է, շատ ավելի գեղեցկանում է, շատ ավելի լավ տեղեր են հայտնվում, շատ պուճուրիկ քաղաք է, բայց շատ ուրախ, շատ ուրախ քաղաք է երեկոները ամեն տեսակի զվարճանք կա՝ կա դիսկո, կա դիսկո մեծահասակների համար, ասենք մի քիչ 80ականներոտ դիսկոներ կան, կան հունական պարերի՝ սիրտակիների երեկոներ, կան ուղղակի ծովի ափին մոմերի լույսերի տակ՝ ամբողջ գիշեր չփակվող տեղեր, որտեղ որ դուք կարող եք ուղղակի գնալ ամբողջ գիշեր լսել ծովը և վայելել ձեր ժամանցը եթե չեք ուզում քնեք ասենք հա գիշերը:

Մի խոսքով խնդրանքս հետևյալն է՝ ժողովուրդ հաշվի առեք Հունաստանը, հաշվի առեք Հունաստանը, որովհետը Հունաստանը մեկ՝ ապահով է, երկու՝ էժան է, երեք՝ համեղ է, չորս՝ շատ հաճելի է և հինգ՝ ի վերջո իրոք արագ է:

Երևանից Սալոնիկի թրնելը շատ արագ է և Սալոնիկից քաղաք ընդամենը 40 րոպե է և կարող եք անգամ Սալոնիկից այդ քաղաք գնալ անգամ ոչ թե տաքսիով, կարող եք անգամ ավտոբուս վերցնել, ավտոբուսներով են գնում հասնում այդ քաղաք: Հաշվի առեք Հունաստանը, ես հղումը կդնեմ here.am-ում այս էպիզոդի տակ, այն հյուրանոցի, որտեղ մենք երկրորդ տարին է արդեն հանգստանում ենք, և ձեզ հաճելի հանգիստ, գրկում եմ բոլորիդ, մնացեք բարով:

Episode 21 — Aurora Prize

Սեղմեք նարնջագույն կոճակը լսելու համար

Press orange button to listen

Нажмите оранжевую кнопку для прослушивания

Aurora Prize website in 6 languages (Armenian, English, Russian, French, Spanish and German) is at www.AuroraPrize.com

An episode about Aurora Prize for Awakening Humanity and its
co-Founders Noubar Afeyan, Vartan Gregorian and Ruben Vardanyan.

Էպիզոդ Ավրորա Մրցանակի մասին և այս մտքի հեղինակների` Ռուբեն Վարդանյանի, Նուբար Աֆեյանի և Վարդան Գրեգորյանի մասին:

 

ՏԵՔՍՏԸ ՉԽՄԲԱԳՐԱԾ

Ողջույն բոլորին, էպիզոդ 21-ում մենք կխոսենք Ավրորա մրցանակաբաշխության մասին, մրցանակի մասին, գաղափարի մասին և իրագործողների մասին:

Ընդհանրապես շատ բան կա ասելու Ավրորային մասին իհարկե, կարծում եմ մի էպիզոդը հերիք չէ, ապագայում եթե անհրաժեշտություն լինի մենք անպայման կանդրադառնանք այս մրցանակաբաշխությանը, այս մտքին ընդհանրապես և այն մարդկանց, ովքեր իրագործում են սա, շատ-շատ բան կա ասելու իհարկե, սա աննախադեպ մի բան ա, աննախադեպ:

Նախ ինչո՞ւ Ավրորա` Ավրորան Հին Հռոմում հռեմեական լուսաբացի աստվածուհին էր, արշալույսի աստվածուհին, որը որ արթնացնում էր մարդկությանը և մղում դեպի հերոսական արարքներ և բոլոր ֆինալիստները իհարկե հերոսներ են՝ Ավրորա մրցանակաբաշխության: Նաև Ավրորայի անունը վերցված է, որպեսզի տուրք մատուցվի Ավրորա Մարդիգանյանին, որը ծնվել է 1901 թվականին և երբ նա 14 տարեկան էր՝ 1915 թվականին, Սիրիական անապատում թուրքական զինվորները որոշեցին հայ աղջնակներին խաչել և կար 16 հատ մեծ խաչ, որտեղ խաչվեցին 16 հայ աղջնակ, Ավրորան 17-րդն էր հերթում՝ նա փրկվեց, նա խուսափեց մահից, իրան հաջողվեց տեղափոխվել Ռուսաստան այնուհետև ԱՄՆ և այս պատմությունը պատմել պատմաբաններին և ժուռնալիսներին: Այս պատմության հիման վրա ֆիլմ նկարահանվեց Հոլիվուդում, որի հասույթի 20մլն. դոլարը միայն տրամադրվեց մարդասիրական նպատակների համար: Ավրորա Մարդիգանյանը ապրեց երկար կյանք, նա մահացավ 1994 թվականին: Նա հաճախ ասում էր, որ նա փրկվել է զուտ պատահականությամբ և որպեսզի նման պատահականություններ շատ լինեն կամ անգամ դիանց կարիքը չլինի, մեր հանրաճանաչ բիզնեսմեններ Ռոբերտ Վարդանյանը, Նուբար Աֆեյանը և հրաշալի պատմաբան Վարդան Գևորգյանը հիմնեցին Ավրորա մրցանակը, որը տրվում է հումանիտար, մարդասիրական արարքների, գործերի համար: Մրցանակակիրը ստանում է 100.000 ԱՄՆ դոլար և ևս մեկ միլիոն ԱՄՆ դոլար նա իրավունք ունի տրամադրել իր ցանկությամբ մարդասիրական, հումանիստական կազմակերպություններին կամ նախաձեռնություններին կամ ծրագրերին և իհարկե այս տարի բոլոր ֆինալիստները կստանան 25.000ական դոլար ևս անանուն բարերարներից, անանուն բարեգործներից:

Հատկանշական է, որ Ռուբեն Վարդանյանը և Նուբար Աֆեյանը իրանք չեն հանդիսանում էդ ընտրության կոմիտեի, գնահատման կոմիտեի անդամներ, նրանք անկախ են մնում և առանձին այլ մարդիկ են, այլ հեղինակավոր և պրոֆեսիոնալ մարդիկ են այդ ամենը անում և պրոցեսին հետևում է Էրսոն Յանգը ՝ համաշխարհային մակարդակի աուդիտորական ընկերություն, լավագույն ըներություններից մեկը, խոշորագույն ընկերություններց մեկը:

Ես այնքան հպարտ եմ ընդհանրապես և շնորհակալ, շոյված, չգիտեմ բառեր դժվարանում եմ գտնել, սա մեր միջազգային մակարդակի ծրագիր ա, բարձր մակարդակի և անգամ կարևոր չի թե ոնց ա դա իրականացվում, իհարկե փայլուն ա իրականացվում, իհարկե առանց ոչ մի բիծ, առանց ոչ մի խնդիր, բարձր մակարդակի:

Ասենք մեր կառավարությունը, մեր բիզնեսմենները շատ բան կարող են սովորել ընհանրապես ծրագրի իրագործումից, թե ինչպես է իրականացվում այս մտահաղացումը: Իրոք մենք նման բիզնեսմեններ՝ Ռուբեն Վարդանյանի և Նուբար Աֆեյանի նման բիզնեսմեններ, ես ուզում էի ասեի շատ քիչ ունենք, բայց չունենք ընդհանրապես, ես դժվարանում եմ ինչ-որ մեկի անունը տալ, որը նմանվում է իրենց:

Բայց նորից ասեմ, ես չեմ ուզում խոսեմ իրականացման մասին, իրականացումը ասեմ փայլուն է, ես ուզում եմ խոսել մտքի մասին, այս մտքի մասին,սա չգիտեմ…մենք հիմա տաք ենք մենք հիմա չենք հասկանում Ավրորայի իմաստը անկեղծ ասեմ, մենք չենք գիտակցում, որ մենք…մենք երևի 20-30 տարի հետո նոր կգիտակցնեք սա ինչ ա, սա ինչ էր, ինչի սկիզբ էր:

Մենք դեռ տաք ենք, մենք դեռ հում ենք, մենք դեռ կանաչ ենք, մենք չենք հասկանում, մենք չենք գիտակցում, մենք չենք գիտակցում ընդհանրապես, որ մենք ապրում ենք Ռուբեն Վարդանյանի, Նուբար Աֆեյանի դարաշրջանում, որ մենք պատիվ ունենք իրանց տեսնելու, լսելու, կենդանի ձայնը և մտքերը ըմբոխշնելու, հասկանալու:

Մենք շատ փոքր ենք դեռ դա հասկանալու համար, սա իրոք… բառեր չկա, բառեր չկա Ռուբեն, Նուբար բրավո՜, բրավի՜ ինչպես իտալացիները հոգնակիով կասեին, շատ ապրեք, շատ-շատ ապրեք: Ես կոչ եմ անում մեր բոլոր…իմ բոլոր լսողներին, գիտեմ որ դուք ակտիվ եք ցանցերում սոցիալական և ոչ սոցիալական և պրոֆեսիոնալ, խնդրում եմ կիսվեք Ավրորա մրցանակաբաշխության հղումով, լինկով ձեր ընկերների հետ, ձեր բարեկամների հետ:

Ավրորայի կայքը ընդհանրապես ֆանտաստիկ կայք ա, առանձին կայքի մասին առանձին էպիզոդ կարելի էր իհարկե ամբողջ մի ձայնագրել, որովհետև դա ֆանտաստիկ 6 լեզուներով կայք ա՝ հայերեն, անգլերեն, ռուսերեն, ֆրանսերեն, իսպաներեն և գերմաներեն: Ուղարկեք այդ կայքը ձեր ընկերներին , որոնք խոսում են այդ լեզուներով և թող նրանաք էլ իմանան, թող նրանք էլ տարածեն:

Ի միջիայլոց, 2018 թվականի մրցանակաբաշխության թեկնածունություն ուղարկելու ժամանակահատվածը արդեն գնում է, կարող եք ուղարկել, հերոսներ առաջարկել՝ Թոմ Քաթինայի նամն հերոս, որը այս տարի շահեց այդ մրցանակը, ֆանտաստիկ մի բժիշկ, որը Սուդանի Նուբա սարերում միակ, միակ վիրաբույժն է և օրեկան կյանքեր է փրկում: Ինչն է նաև հատկանշական, ես հետևում էի միջազգային հումանիտարական, հումանիտար, հումանիստական ծրագրերին և կազմակերպություններին՝ շատ քիչ արձագանք, շա՜տ քիչ, շատ քչերը, շատ քչերը արձագանքեցին,բայց կային արձագանքներ իհարկե, բայց էդ մակարդակի չէր, որը որ կարող էր լինել նման հսկա ծրագրի համար, նման աննախադեպ ծրագրի համար, նման աննախադեպ մտահաղացման համար:

Մի փոքր ինչը ինձ հիասթափեցրեց, մի փոքր մեր լրագրողների հարց… ընդհանրապես, անկեղծ ասեմ մեր լրագրողների մասին երևի պետք ա մի առանձին էպիզոդ անել, որտև մեր լրագրողները, էսօրվա մեր ժուռնալիստները ֆենոմեն են իհարկե, ֆենոմեն, ասենք իրանք ոնց, որ հավաքածու լինեն կիսագրագետ և վատ պատրաստված պրոֆեսիոնալների, բայց դա թող գորշ, մռայլ երանգներ չտա այս էպիզոդին, այս էպիզոդը լուսավոր էպիզոդ է, ես առանձին էպիզքդ կանեմ անպայման մեր լրագրողների մասին, որոնք որ չգիտեմ էլի, լավ կլիներ գոնե պատրաստված գնային պրես-կոնֆերանսների:

Նորից խնդրեմ ձեզ կիսվել հղումով Ավրորա մրցանակաբաշխության ես անպայման հղումը կդնեմ այս էպիզոդի տակ մեր կայքում՝ here.am կայքում, ընդհանրապես here.am-ն է մի քիչ թարմացվել, here.am կարող եք հիմա ոչ միայն բոլոր էպիզոդները լսել և վերլուծել, այլ նաև կարող եք երաժշտություն օրինակ լսել 24 ժամ՝ լավ երաժշտություն առանց գովազդի,: Էնտեղ կա music կոճակը, որը կարելի է սեղմել և ըմբոշխնել, ինչ ասեմ այսքանը այսօրվա էպիզոդի համար, նորից խնդրեմ ձեզ կիսվել այս հղումով Ավրորա մրցանակաբաշխության, մենք, հուսով եմ, դեռ շատ-շատ առիթներ կունենաք խոսելու այս մրցանակաբաշխության…ես էլ եմ դեռ տաք, ես էլ դեռ չեմ հասկանում ընդհանրապես ինչ ա կատարվում, բայց ես գիտակցում եմ, որ մի հսկա, հսկա գործ է արվում և քեֆս բերում ա անկեղծ ասած էդ ամեն ինչը:

Բրավի՜, Ռուբեն և Նուբար և մնացած բոլոր, այս տարի միացան նաև անանուն բարերարներ, որոնց որ ուղղակի խոնհարվում եմ որոնց առջև, ապրեք շատ ապրեք, here.am, այսքանը մնացեք բարով:

Episode 20 — Artsakh

Սեղմեք նարնջագույն կոճակը լսելու համար

Press orange button to listen

Нажмите оранжевую кнопку для прослушивания

Republic of Artsakh (Nagorno Karabakh) is an undiscovered jewel between the mountains.

Ինչու մենք չենք կարողանում ստիպել աշխարհին ճանաչել Արցախը:

 

ՏԵՔՍՏԸ ՉԽՄԲԱԳՐԱԾ

Բարևներ բոլորին, here.am-ի հոբելյանական 20-րդ էպիզոդն է եթերում, մինչև մեր հոբելյանական 100-րդ էպիզոդը մնացել է 8 հոբելյանական էպիզոդ, այնպես որ գնում ենք առաջ՝ պնդաճակատ, հպարտ հայերի նման: Էսօր խոսելու ենք մեր Արցախի մասին, բայց մինչև բուն թեմային անցնելը…Հե-նո Մխիթարյան, տեսաք ինչ եղավ, տեսաք ինչ արեց Հենոն, Հենոն և իրա թիմը, Генрих и его команда:

Ինքը ոչ միայն դարձավ Եվրոլիգայի չեմպիոն, ինքը գոլ խփեց էդ ֆինալում` էն էլ ինչ կայֆ գոլ, դարպասապահը անակնկալի էր եկել, ասենք ինչի մենակ դարպասապահը, ես էի անակնկալի եկել իմ փոփքորնը բկիս էր կանգնել, չգիտեի շնչեի թե գոռայի ուրախությունից, չէ դարպասապահը շանս չուներ իհարկե, իսկ Հենոն օգտագործում ա անգամ ամենափոքր շանսը, բրավո՜, մենք ևս մի լավ բան արեցինք առաջին անգամ , շատ ոգևորիչ էր ու արեցինք որակով, արեցինք գեղեցիկ , արեցինք հպարտ:

Իսկ հիմա բուն թեմայի մասին՝ Արցախ: Մեր Արցախի ազատագրումը իրոք համընկավ համաշխարհային մեծ կատակլիզմների հետ: Աշխարհում երկրորդ, որոշ գնահատականներով առաջին, գերտիրության փլուզման հետ՝ ԽՍՀՄ-ի կամ մերոնքական լեզվով ասած Սովետի փլուզման հետ և շատ պատմաբաններ վիճում են, թե հնարավոր կլիներ արդյոք ազատագրել Արցախը եթե էդ ժամանակ Սովետը փլուզվելուց չլիներ, եթե այդ ժամանակ Ադրբեջանը չլիներ անկազմակերպ, խուճապի մեջ, աղքատ, անգիտակից և այլն: Մեզ հաջողվեց ազատագրել Արցախը, բայց նրա միջազգային ճանաչումը մեզ դեռ չի հաջողվել: 25 տարուց ավել ա Արցախը ազատ ա, անկախ ա, 25 տարուց ավել ա մեզ չի հաջողվել ոչ մի պետության կողմից ճանաչել Արցախի անկախությունը, լավ ե՞նք աշխատում, չէ, շատ վատ ենք աշխատում , շա՜տ վատ, վատ չէ՛, շա՜տ վատ:

Մենք բավականին միջոց չունենք՝ ոչ մարդկային, ոչ ֆինանսական ոչ Հայքին զարգացնելու համար, ոչ Արցախին օգնելու համար: Ամեն օր թշնամին կրակում ա մեր վրա ու դրա հետ զուգահեռ մենք լսում ենք, որ ինչ-որ պետական պաշտոնյա, որ երբեք բիզնես չի ունեցել, սարքել ա առանձնատներ, հիմնել ա բիզնեսներ…չգիտեմ, Հայքը դատարկվում ա, որոշ գեներալներ հարստանում են, բայց դրա մասին չեմ ուզում խոսամ,

գլխավորը ուզում եմ խոսամ Արցախի Հանրապետության պետական մարմինների մասին՝ արա դուք ո՞ւր եք ընդհանրապես, դուք ինչի՞ ակտիվ չեք: Օրինակ դուք ինչի չեք արձագանքում մեծ հնչողություն ունեցող միջազգային իրադարձություններին:

Չգիտեմ, օրինակ ես վերջերս Մանչեստերում պայթյուն տեղի ունեցավ, գիտեք ահագին անմեղ մարդ զոհվեց, ինչի՞ Ստեփանակերտի քաղաքապետը Մանչեստերի քաղաքապետին ցավակցական ուղերձ չի հղում, ասենք ո՞ւր ես դու Ստեփանակերտի քաղաքապետ, ասենք մեր Երևանի քաղաքապետն ա փողով ընտչված դուք էլ հո էդքան փող չունեք, որ փողով ընտրվեք, ինչի՞ չես ցավակցում մարդկանց, ասենք ցավակցելը հո ճանաչման հետ կապ չունի, քեզ ինչի՞ էս տենց պասիվ պահում:

Ասենք, օրինակ երբ Մակրոնը ես վերջերս ընտրվեց, ինչի՞ Արցախի նախագահը իրան շնորհակալական ուղերձ չհղեց, չէ որ եթե հարցնես Արցախի նախագահին ինքը կասի՝ ռեֆերենդումով ընտրված, անկախացած պետության նախագահ եմ, բա ինչի՞ քեզ չես պահում որպես անկախ պետության նախագահ, ինչի՞ եք ձեզ մեկուսացնում աշխարհից հետո ուզում, որ աշխարհը ձեզ ճանաչի:

Բաներ կա, որ մինչև ճանաչելն ա պետք անել, էսօրվա օրով ճիշտ լինելը մենակ հերիք չի՝ ուժեղ էլ ա պետք լինել, խելացի էլ ա պետք լինել, ոնց որ գողականներն են ասում՝ ճիշտը հիվանդանում ա բայց չի մեռնում, բայց մեզ պե՞տք ա, որ մեր ճիշտը միշտ հիվանդ մնա:

Կամ օրինակ Հայքում ապրողներ, երբ որ դուք ինչ-որ բան եք անում ասեք, որ Հայքի ու Արցախի հանրապետության համար ա: Օրինակ պաղպաղակ արտադրող ինչ-որ մի ընկերություն խաղարկություն ա անցկացնում, նշեք, որ մասնակցություն կարող են ունենալ Հայքի և Արցախի Հանրապետության քաղաքացիները: Աշխատող ե՞ք ման գալիս, ինչ-որ հայտարարություն ե՞ք տալիս, գրեք, գրեք, որ Հայքի ու Արցախի քաղաքացիրների…գիտենք, որ դա տենց ա բայց նշե՛ք, շեշտե՛ք:

Ինչ-որ բանի վաճառք կամ ինչ-որ զեղջեր եք անում նշեք, որ Հայքի և Արցախի քաղաքացիների համար ա, պարզ ա, որ դա տենց ա բայյց շեշտե՛ք, շեշտե՛ք դա,որ թուրքը տեսնի և եզրակացություններ անի :

Վերադառնալով Արցախի իշխանություններին՝ շատ պասիվ եք, շա՜տ: Ադրբեջանը Արցախ այցելած ռուսաստանցի բլոգերին Բելառուսից հավաքեց տարավ իրա մոտ, անգամ կարողացով ձերբակալի, տանի բերման ենթարկի, դուք աչքերդ չռած նայում եք, արա դուք պետք ա հիմա Արցախի տուրիզմի մասին լիքը նյութ հրապարակեիք, որ հեղեղեիք:

Made in Artsakh ապրանքանիշների ցուցահանդես-վաճարք անեիք՝ ամեն Երևանում տեղի ունեցող ցուցահանդեսում, ինչի՞ չկա էդ տաղավարը, ձեզ թույլատվություն ա՞ պետք դրա համար:

Չգիտեմ տոլմայի փառատոն էր հա ես վերջերս Հայքում, բերեիք առանձին տաղավար դնեիք Made in Artsakh թթի օղի վաճառեիք, բոլոր այցելուները այդ թվում նաև իհարկե արտասահմանցիները տեսնեին Արցախը ինչ ա, և ինչի միայն օղի՝ թթու , պահածո և այլը, տո բերեիք Արցախի տոլմայի տաղավար դնեիք ընդեղ, ընդեքղ սուշիի, տոմլայի տաղավար ենք դնում… ասել էի հիմա:

Made in Artsakh գրեիք տաղավարի վրա, տոլմայի տաղավար Արցախի, հատուկ, մի հատ էլ առանձին դրոշակ տնկեիք կողքը, թող բոլորը տեսնեին, որ Ռուսաստանը ռեպորտաժ էր անում , թող էդ ռեպորտաժի ֆոնի վրա լավ էլ էրևար ձեր տաղավարն էլ, ձեր դրոշն էլ, հին եք էլի արա, գնացեք մտածեք ասածներիս մասին, սիրում եմ ձեզ մեկ ա, մնացեք բարով:

Episode 19 — Read, Read, Read!

Սեղմեք նարնջագույն կոճակը լսելու համար

Press orange button to listen

Нажмите оранжевую кнопку для прослушивания

Benefits and importance of reading. And, as always, a suggestion.

Կարդալու օգուտը և կարևորությունը: Եվ, ինչպես միշտ, մի առաջարկություն:


ՏԵՔՍՏԸ ՉԽՄԲԱԳՐԱԾ

Ողջույն բարեկամներ, ինչպե՞ս եք, այսօր խոսալու ենք կարդալու մասին, բայց մինչ այդ թեմային անցնելը, մի քանի լավ նորություն , որ էս վերջերս իմացանք` նախ ԱՄՆ Տեխաս նահանգը ճանաչեց Հայող Ցեղասպնությունը, դա 46-րդ նահանգն է, որ ճանաչում է, ԱՄՆ-ում մնաց 4 նահանգ պետք է աշխատել էդ ուղղությամբ:

Լավ նորություն մեր փոդքաստի համար, փաստորեն մենք այսօրվա օրով համար երկրորդն ենք ԱՄՆ iTunes-ում և համար երկրորդն ենք հայկական iTunes -ում՝ հայկական փոդքաստների մեջ, ranking-ը բավականին բարձրացել է, շատ շնորհակալություն լսողներին, գրողներին:

Տեղադրվել է chat կոճակ here.am կարյքում, որը կարող եք սեղմել և հաղորդագրություն անմիջապես կգա իմ հեռախոսի վրա, բայց ես ձեզ պետք ա խնդրեմ, որ գիշերները չգրեք: Այսօր ա տեղադրվել կոճակը և արդեն բավականին հետաքրքիր քանակությամբ հաղորդագրություններ եմ ստանում, շատ շնորհակալ եմ: Մի օր կխոսանք իհարկե մեր փոդքաստի աշխարհագրության մասին և ապշելու աշխարհագրություն ունենք՝ քաղաքները, որը որ լսում են մեզ աշխարհի տարբեր ծայրերից, բայց դա չի այսօր մեր թեման, բայց կանդրադառնանք դրան անպայման: Էսօր անհետաքրքրիր թեմայից եմ ուզում խոսամ, բայց ինչպես մենք բոլորս գիտենք անհետաքրքիր բաները մեկ մեկ շատ կարևոր են լինում կամ ամենակարևորն են լինում:

Կարելի էր իհարկե էս էպիզոդը դարձնել հետաքրքրիր, ասենք կարելի էր խոսալ ինստագրամ կամ սնեփչեթից կամ սեքսից, ավելի հետաքրքիր դարձնել, գտնում եմ, որ էն թեման, որի մասին խոսալու ենք, չասեմ, որ սեքսից ավելի կարևոր ա բայց նույնքան կարևոր բան ա, կարդալու մասին ենք խոսալու այսօր:

Կարդալը գրգռում ա մեր ուղեղը, ստիմուլացիայա անում, ստիպում ա մենք մտածենք,

կարդալը իջացնում ա մեր սթրեսը,

կարդալը գիտելիք ա տալիս,

կարդալը զարգացնում ա մեր բառարանը, մեր հիշողությունն ա զարգացնում, լավացնում, ստիպում ա մենք անալիզ անենք, վերլուծենք, ստիպում ա մեզ կենտրոնանալ ուշադիր լինել,

կարդալը մեր գրելու վրա ա ազդում, ստւպում ա, որ մենք ավելի լավ, գրագետ գրենք,

կարդալը հանգստացնում ա մեզ,

կարդալը զարգացնում ա մեր երևակայությունը, մեզ հետաքրքիր ա դարցնում ուրիշների համար,

կարդալը դա ամենահասնալի, անգամ որոշ ժամանակներում, որոշ դեպքերում անվճար զվարճանք ա, անվճար զվարճանք, որը տալիս ա էսքան օգուտ, սենց օգտակար գործակից ոչ մի տեղ չկա, որ դու բան չվճարես և ստանաս նման օգուտ, սեքսին հավասար բան ա էլի:

Գիտեք հիմա գրքերը էնքան քիչ են գնահատված ես ապշում եմ էլի, մարդիկ ամբողջ կյանք ապրում են, որ մի հատ գիրք գրեն, ասենք որտեղ էդ ապրած կյանքի 50-60 տարիները զետեղված են, 50-60 տարիները իրանց կյանքի դնում են էդ գրքի մեջ, այսինքն պետք ա ևս 50-60 տարի ապրես, որ էդ գիտելիքը ստանաս հա, բայց էդ մարդը արդեն դրել ա էդ գիտելիքը էդ գրքի մեջ:

Իսկ մենք ի՞նչ ենք անում, մտածում ենք, ճգիտեմ…4000 դրա՞մ, եսիմ, արա դու 4000 դրամով առնում էս էդ 60 տարվա գիտելիքը, դուք գոնե հասկանում եք ինչքան են գրքերը հասանելի հիմա, ինչքան ա գիտելիքը հասնաելի:

Եկեք մենք ինքներս մեզ խոստանանք, որ հաճախ ենք մտնելու գրախանութներ և գրախանութ մտնելուց էլ անպայման գոնե մի գրքով դուրս ենք գալու, գոնե մի գիրք արնելու ենք, առանց մի գրքի դուրս չենք գալու:

Ընդհանրապես տղամարդիկ պետք ա գնան անկողին կամ կնոջ հետ կամ գրքի հետ, օրենք դարձրեք ձեր համար, տղե՛ք: Ես չեմ պատկերացնում էլի, ոնց կարելի ա պարկել անկողին, սենց ձեռները՝ լադոշկաները միացնել իրար, դնել գլխի տակ ու աչքերը թակել քնել… ասենք դուք ինչքան բան ու գործ պիտի չունենաք, որ տենց բան անեք էլի:

Ընդհանրապես երևանի կաֆեների, բարերի, փաբերի մենեջերներ, տերեր կարդալու երեկոներ կազմակերպեք էլի ձեր մոտ, ասենք ամիսը 2 անգամ, որ մարդիկ գան նստեն հարմար բազկաթոռին ու իրանց կարդացած հետաքրքիր նյութերից գոնե մի երկու էջ կարդան բարձր մյուսների համար: Ասենք ի՞նչ հետաքրքիր բան են կարդացել անցած շաբաթներում, թող մի 2-3 էջ ընթերցեն էլի, կամ հենց իրանց գրած նյութերից էլի, ինչի չէ եթե ուզում են: Գիտե՞ք ինչքան մարդ կուզենա կիսվել նրանով ինչ կարդացել ա, կապ չունի, որ լեզվով, կապ չունի ինչ թեմայով, եթե լսողներին հետաքրքիր լինի իրանք կսկսեն վերլուծել, կգնան իրանք էլ էդ գիրքը կկարդան:

Պատկերացրեք մի քիչ բարձրոտ տեղ բեմի նման, շատ բարձր չէ, ուղղակի բազկաթոռ, լամպ ու մեկը կարդում ա չափազանց հետաքրքիր բան, մի 2-3 էջ, կամ փոքրիկ պատմվածք կամ ասում եմ թեկուզ իրա գրածը: Ձեր կաֆեն կամ փաբը կամ քլաբը կդառնա Երևանի էլիտայի հավաքատեղի և շատ շուտ և ռեալ էլիտայի, մտածեք դրա մասին և մնացեք բարով:

Episode 18 — Planning and Preparedness

Սեղմեք նարնջագույն կոճակը լսելու համար

Press orange button to listen

Нажмите оранжевую кнопку для прослушивания

How important planning or preparation is. Considerations for Armenian startups and entrepreneurs and for everyday behavior.

Ինչքան կարևոր է պլանավորելը և պատրաստվելը: Խորհուրդներ հայկական փոքր և միջին ձեռնարկություններին, ինչպես նաև բոլորիս` ամենօրյա գործողությունները կազմակերպելու համար:

 

ՏԵՔՍՏԸ ՉԽՄԲԱԳՐԱԾ

Ողջույն բոլորին, Bonjour, Bongiorno և այլն, էսօր մենք կխոսենք պլանավորման մասին և պատրաստվածության կամ պատրաստված լինելու մասին, բայց մինչև բուն թեմային անցնելը բնական ա բոլորդ երևի գիտեք մենք ունենք նորություններ՝ մենք ունենք նոր Ազգային Ժողով 6-րդ գումարման, մենք ունեք Ազգային Ժողովի խոսնակ և երեք փոխ-խոսնակներ, ծանոթ դեմքեր պրինցիպի, քիչ առաջ մենք ունեցանք փողով ընտրված քաղաքապետ , այս վերջի շաբաթում նաև շատ հետաքրքիր իրադարցություններ տեղի ունեցան՝ մասնավորապես Թուրքիայի նախագահ էրդողանի ախրանիկները, ուրիշ ձև չասեմ, ծեծեցին խաղաղ ցուցարարների՝ Ամերիկայի քաղաքացիների, Ամերիկայի մայրաքաղաքում:

Այսինքն մի այլ պետության զինված մարդիկ Ամերիկայի Միացյալ Նահանգների մայրաքաղաքում ծեծեցին Ամերիկայի Միացյալ Նահանգների քաղաքացիներին և իրանց ոչ մի բան չեղավ, ոչ մեկ նեղություն չկրեց և Թուրքիայի նախագահը և իր ախրանան շարունակում են պտտվել աշխարհով մեկ: Ուղղակի պատկերացրեք թե ինչ ա կատարվում բուն Թուրքիայում էլի, եթե նման բան տեղի է ունենում Ամերիկայի Միացյալ Նահանգների մայրաքաղաքում և Ամերիկայի Միացյալ Նահանգների քաղաքացիների հետ:

Մի լավ լուր իմացանք անցած շաբաթվա ընթացքում դա Եվրո-ասիական՝ ոչ թե Եվրասիական այլ եվրո-ասիական ֆոնդային բորսաների ֆեդերացիան տեղափոխվում է Կոնստանդնոպոլսից Երևան: Կոնստանդնոպոլսին հիմա Իստամբուլ են ասում, Պոլսից Երևան է տեղափոխվում կարծեմ 22 տարի լինելով այնտեղ: Էս վերջի հանդիպման ժամանակ ֆոնդային բորսաների ղեկավարները այս տարածաշրջանի, որոշեցին, որ պետք է ֆեդերացիայի գրասենյակը տեղափոխվի Երևան:

Իսկ հիմա անցնենք փոդքաստի բուն թեմային՝ պլանավորման և պատրաստվածության կամ պատրաստվելուն: Ես էս վերջերս մտածում էի, մենք իհարկե ազգովի կաղում ենք պլանավորման խնդրում, մենք ընդհանրապես ամեն ինչ ուզում ենք լինի շատ շտապ, շատ արագ, թափով, միանգամից և լավ: Ցավոք սրտի այդպես քիչ է լինում, պետք է պլանավորել և պատրաստված լինել ամեն ինչին, անգամ մեր այսօրվա կառավարությունը ցավոք սրտի, որ տեսնում ես իրանք ուզում են շատ շոկային, շատ արագ խնդիրներ լուծել և ինձ թվում է պլանավորմանը այդքան ուշադրություն չեն դարձնում: Պլանավորումը շատ-շատ կարևոր է, ինչի՞ մենք հիմա ունենք էդքան մարդ, որոնք որ վարկեր են վերցրել և չեն կարողանում էդ վարկերը հետ տալ, չէ բանկերը մեղավոր չեն, բանկերը կարողա մեղավոր լինեն շատ բարձր տոկոսադրուքների համար, բայց մենք կաղում ենք պլանավորման պրոցեսը, մենք կաղում ենք էդ պրոցեսում և չենք կարողանում ճիշտ պլանավորել, ճիշտ ֆինանսական միջոցներ վերցնել, ճիշտ ժամկետներում էդ ֆինանասակն միջոցները տանել հետ տալ բանկերին:

Գյուղացիներից շատերը հիմա վարկերի տակ ստիպված փողով ընտրություն են կատարում, որ գոնե մի երկու օր էլ իրանց ընտանիքը կերակրեն, բայց ինչի՞ , ինչի՞ մենք չենք կարողանում ճիշտ պլանավորել: Գիտեք շատ կարևոր ա, պլանավորումը ընդհանրապես գործի կեսն ա, եթե դուք հիմա լսում եք էս փոդքաստը և պլանավորում եք, չգիտեմ, ինչ ոչ մի կաֆե բացել, մի քիչ ավելի երկար մտածեք, ինչ որ պլանավորել եք դրան գումարեք 25-30% փողային, դրան գումարեք 50% ժամկետային:

Եթե դուք պլանավորել եք մի տարվա ընթացքում սկսել բանկին փողերը հետ տալ, գրեք, որ մեկ ու կես տարվա ընթացքում եք տալու: Եթե դուք պլանավորել եք, չգիտեմ, 100.000$-ի ներդրում, պլանավորեք 140.000$-ի ներդրում:

Գիտեք Հին Կտակարանում մի հատ շատ լավ մաս կա երբ փարավոնը Եգիպտոսի երազ է տեսնում և անհանգիստ զարթնում է և չի կարում ինչի մասին էր երազը, կանչում է իր հոգևորականներին, որոնք նույնպես չեն կարողանում ոչ մի բան ասել փարավոնին, և մեկը հիշում է, որ Հովսեփը, որը որ հայտնի էր Եգիպտոսում երազները բացատրելով, այդ պահին լինում է բանտում, հիշում են , որ Հովսեփը կարողանում է երազները բացատրել և կանչում են Հովսեփին փարավոնի մոտ, փարավոնը պատմում է իր երազը, ասում է, որ ես տեսա 4 հատ չաղ կով գետից դուրս էկող, որոնցից հետո 7 հատ շատ նիհար կով դուրս էկան գետից և կերան այդ չաղ կովերին, ի՞նչ է այդ երազը նշանակում: Հովսեփը ասում է, որ այդ երազը նշանակում է, որ Եգիպտոսը ունենալու է 7 տարի բարգավաճում, որից հետո ունենալու է 7 տարի սով և այդ սովին պետք է պատրաստվել, պետք է ամեն ինչ պլանավորել, որ էդ սովը չքայքայի պետությունը, չքայքայի Եգիպտոսը: Փարավոնը նշանակում է Հովսեփին գլխավոր վիզիր և Հովսեփը ամեն տարի , ամեն 7 տարի լավ բերք ունենալու ժամանակ, ամեն տարի 1/5-ը այդ բերքի պահում է, պահեստավորում է գալիք 7 տարվա սովի համար: Ընդհանրապես էս պատմությունը ի՞նչ է ասում, էս պատմությունը շատ հետաքրքիր է պլանավորման առումով, պատրաստվածություն առումով և իհարկե սա ընդամենը պատմություն ա Հին Կտակարանից, բայց շատ-շատ մեծ իմաստ կա: Եթե նայենք մենք հիմա մեր այժմյան աշխարհաընկալմանը և ընդհանրապես այժմյան իրականությանը երկրներ կան, որ շատ-շատ լավ են ապրում բայց դրա հետ մեկտեղ իրանց համար շատ-շատ կարևոր է պատրաստվել ապագային, որովհետեև ապագան անկանխատեսելի է, ընդհանրապես մենք իրոք չենք կարող կանխատեսել, մենք ընդամենը պետք է պատրաստվենք դրան, պատրաստված լինենք:

Օրինակ Նորվեգիան ամենամեծ ֆոնդը ունի գումարային 750մլդ. հասնող, ամենամեծ անկախ ֆոնդն է աշխարհում, որը որ մարդ ես, պատրկերացնում էս, մարդ էս էդ դեպքի համար 750մլդ. են հավաքել պահում մարդիկ և դա երբ, որ ես ասում եմ 750մլդ. դա թղթադրամ չէ միայն, դա ամեն ինչ է՝ ոսկեղեն և այլ և այլը: Անգամ աշխարհագնդում ներկա բույսերից և ուտելիք, ձավարեղեն, սերմերից ամենամեծ պահեստն է Նորվեգիայում: Երևի թե գիտեք՝ գետնի տակ սառը ջերմաստիճաններում պահված, եթե հանկարծ որևիցե բույս, սերմ վերանա, փչանա, չգիտեմ, այդ պահեստից կարող ենք օգտագործել և ստանալ նույն միրգը, բանջարեղենը, նույն բույսը և այլը: Ընդհանրապես նորվեգացիք շատ-շատ հետաքրքիր են պլանավորում իրանց ամեն ինչը, եթե մենք օրինակ հիշենք հարավային պոլյուս, Ամուդսենի էքպիդիցիան:

Ամուդսենը առաջինն էր, որը որ հասավ, Ռոալդ Ամուդսեն, չգիտեմ երևի թե ծանոթ եք, նորվեգացի, որը որ առաջինը հասավ համ հյուսիսային պոլյուս համ… ներողություն, համ հարավային համ հյուսիսային, ես ուզում էի ուղղակի հիշեի պոլյուս հարերեն ոնց ա , հա արա՝ բևեռ, ինքը 1911 թվականին հասավ հարավային բևեռ իր էքսպիդիցիայով:

Ընդհանրապես ինքը էնքան քրտնաջան էր պատրաստվել էդ էքսպիդիցիային և դրա հետ մեկտեղ օրինակ կար Ռոբերտ Ֆալքոն Սքոթը, որը որ նաև ինքն էլ էր ուզում հասներ իր թմով հարավային բևեռ, բայց օրինակ Սքոթը վերցրել էր ընդամենը մեկ ջերմաչափ և կատաղել էր երբ, որ էդ ջերմաչափը ջարդվեց: Ամուդսենը՝ նորվեգացին, վերցրեց 4 հատ ջերմաչափ, օրինակ Սքոթը վերցրել էր մեկ տոննա մթերք իր էքսպիդիցիայի թիմի համար, Ամուդսենը վերցրել էր 3 տոննա մթերք: Ձների մեջ Սքոթը պահել էր մի տեղ և դրոշակ էր տնկել էդ մի տեղի վրա, այսինքն եթե իր թիմը ինչ որ չափ շեղվեր էդ տարածքից ինքը էդ ուտելիքը, էդ մթերքը չէր գտնելու և փաստորեն սովից մահանալու էր, ընդհանրապես ինչ էլ կատարվեց անկեղծ ասած, ցավոք սրտի Սքոթի էքպիդիցիայի հետ՝ նրանք բոլորը վախճանվցին, իսկ Ամուդսենը իր մթերքը բաժանել էր քսան մասի և քսան տեղ էր դրոշակներ տնկել, եթե հետ գալու ճանապարհին հանկարծ իրանց մի տեղը չգտնեն մյուս տեղը գտնեն, այսինքն ընդհանրապես Ամուդսենը էնքան լավ էր պատրաստվել, էնքան ճիշտ էր պլանավորել, որ այդ ամեն ինչին կարողացավ հասնել և իրոք դառնալ առաջին մարդը աշխարհում, որը որ եղավ երկու բևեռներում: Հարավայինում ինքը եղավ էքսպիդիցիայով , իսկ հյուսիսային բևոռ ինքը օդային էքսպիդիցիա կազմակերպեց: Ինչի՞ մասին է սա, սա ընդամենը լավ պլանավորման մասին է:

Մենք երբ որ մեքենա ենք քշում, չէ որ մենք էլ ինչ-որ տարածություն ենք թողնում դիմացի մեքենայից, մենք սենց կպած չենք գնում, ինչի՞ համար ենք էդ տարածությունը թողում , թողում ենք եթե հանկարծ դիմացի մեքենան արգելակի շատ անպատրաստի և շատ արագ, մենք կարողանանք հասցնել այդ արգելակամ մեխանիզմը, ուրեմն, ևս գործի բերել և կարողանանք խուսափել ողբերգությունից, մենք դրա համար ենք թողում էդ տարածքը չէ:

Եթե մենք տենց պլանավորում ենք մեր մեքենա քշելը, ինչի՞ չենք պլանավորում մեր ամեն ինչը՝ մեր բիզնեսը, մեր կյանքը, մեր առօրյան:

Երևանի տրանսպորտը օրինակ չունի ժամանակացույց, մենք չգիտենք երբ են գալիս ավտոբուսները, երբ են գալիս երթուղային տաքսիրները, որտեղ մենք կռացած գնում ենք գալիս ենք և մեր փողով ընտրված քաղաքապետն էլ ինքը 4-5 տարի քաղաքապետարանում էր բայց չկարողացավ ժամանակացույց, նորմալ ժամանակացույց մեր հասարակական տրանսպորտի համար կազմել էնպես, որ անկանխատեսելի ա մեր տրանսպորտի գնալ գալը: Էնպես որ դուք մեկի հետ պայմանավորվում եք, պայմանավորվեք և դուս եկեք տնից շատ ավելի շուտ քան մտածում եք, որ կարող եք դուրս գալ:

Ամեն դեպքում ընդհանուր առմամբ պլանավորեք ժողովուրդ, սխալ պլանավորելու պատճառով շատերս տուժում ենք և շատերս սուտասան ենք դուրս գալիս և ոչ ուզենալով իհարկե դա, բայց ուղղակի սխալ պլանավորելով: Եթե դուք բիզնես եք պլանավորում, պլանավորեք 50% ավել ժամանակ բիզնեսի համար, եթե դուք պլանավորում եք որոշակի գումար ծախսել էդ բիզնեսի վրա, պլանավորեք 30-40% ավել գումար ծախսել, որովհետև ամեն ինչ կարող է լինել և ընդհանրապես մեր երկիրը նենց վիճակում ա, որ մեզ անպայման պլան Բ, պլան Ց և այլը պետք է և ընդհանրապես պետք է պատրաստված լինել էդ ամեն ինչին, մենք հիմա նույնից պլան Ա չունենք ցավոք սրտի, իսկ ես խոսում եմ պլան Բ-ից ու Ց-ից:

Ամեն դեպքում եկեք կիրառենք էս բաները մեր առօրյայում, մեր բիզնեսում, մեր կյանքում, մեր աշխատանքում, որպեսզի մենք էլ կարողանանք լավ երկրների նման լինել լավը:

Ընդհանրապես իհարկե շատ եմ համեմատում մեզ այլ երկրների հետ, բայց իրականում մենք պետք ա համեմատենք ընդամենը մի բանի հետ, մենք մեզ պետք ա համեմատենք մեզ հետ բայց էրեկ կամ էրեկ չէ առաջի օրը ու եթե մենք տեսնենք, որ էսօր մենք ավելի լավն ենք քան էրեկ կամ էրեկ չէ առաջի օրը ապա մենք ճիշտ ուղղությամբ ենք գնում, այսքանը, մնացեք բարով:

Episode 17 — Yerevan Elections

Սեղմեք նարնջագույն կոճակը լսելու համար

Press orange button to listen

Нажмите оранжевую кнопку для прослушивания

Yerevan Elections, was it fair? How Zibileaks influenced the results and overall public mood.

Ինչ տրամադրություն կա Երևանի 2017 թ. քաղաքապետի ընտրություններից հետո: Ինչպես ազդեցին հրապարակված նյութերը մտածող միջին երևանցու վրա:

 

ՏԵՔՍՏԸ ՉԽՄԲԱԳՐԱԾ

Ողջույն բոլորին, Երևանը ընտրեց, ընտրությունները անցան, ժամանակն է խոսել դրա մասին: Փաստորեն Երևանի քաղաքացիների, Երևանի բնակչության 70%-ի կարծիքով՝ 20 չէ, 40 չէ, 50 չէ, 70%-ի կարծիքով Տարոն Մարգարյանը պետք է վերընտրվեր քաղաքապետ:

Փաստորեն Երևանի բնակչության 70%-ը, 70%-ը գտնում է, որ մենք պետք է ունենանք կոնյակ սիրող, կորնյակ և Անաստասիա Վալաչկովա սիրով քաղաքապետ, որը պրոսպեկտի ծառերի լույսեր ա դնում , կարմիր գծեր ա գծում և սիրում ա փոշու մեջ պրոպկաներում լրվել, Մաշտոցի պուրակում էլ բուտկաներ ա տեսնում մինչև այն պահը, երբ իրան ասում են որ սիրուն չի դա: Բայց Երևանի, երևանցու քվեն ինձ համար օրենք ա , եթե ընտրվել ա պետք ա մոտակա 4-5 տարում լինի քաղաքապետ ես ենթարկվում եմ երևանցու ձայնին, ուղղակի էս մոտակա 4-5 տարվա ընթացքում ամենամեծ հայհոյանքը լինելու ա փողով ընտրված բառակապակցությունը, որովհետև կարծում եմ ոչ մեկի համար գաղտնիք չի ինչ տեղի ունեցավ:

Գիտեք ես համաձայն եմ Աշոտյանի ու Շարմազանովի հետ, որ օրինակ ոչ մի եվրոպական երկրում ներխուժելը շտապ, հակառակորդի ուժի շտապ այդ ներխուժելը բոլոր եվրոպական երկրներում կքննադատվեր, ես համաձայն եմ, բայց գիտեք ինչ պարոն Աշոտյան, պարոն Շարմազանով, պարոն Մարգարյան եթե մենք մեզ համեմատում են Եվրոպայի հետ եկեք մնացած բաների հետ էլ համեմատենք հա, ասենք որ եվրոպական երկրում նման նորություններ հրապարակվեր ընտրություններից առաջ, ո՞ր եվրոպական երկրում ընտրությունները նույն ընթացքով կլինեին, սկանդալներ չէր լինի, ո՞ր եվրոպական երկրում հրաժարականներ չէր լինի, պատժվածներ չէր լինի:

Գիտեք ես հիմա նորից ասեմ, ես ոչ թե խոսում եմ իրավաբանակն խնդիրների մասին, ապացույցերի մասին չեմ խոսում , ես խոսում եմ հասարակական կարծիքի մասին, հասկանում ե՞ք տենց բան կա հասարակական կարծիք: Թողենք մի կողմ իրավաբանությունը, ապացույց , ճիշտ բան, կարող ա սաղ սուտ էր բան չունեմ ասելու , կարող ա իրոք Բազեն չէր պառոլը, կարող ա իրոք էդ փողերը… կարող ա դուք ձեր շտաբներում էս պահին փողերը հավաքում էիք, որ գնայիք, հայերեն ասած, պերերիվ առնեիք ձեր թմերի համար, դրանում չի խնդիրը, խնդիրը հասարակական կարծիքի մեջ ա հասկանում ե՞ք, մոտակա 4-5 տարում փողով ընտրվածը լինելու ա ամենամեծ քֆուրը, պե՞տք էր էդ ձեզ:

Ասենք էն մասսան, որ կարծիք ա կազմում Երևանում, էն երիտասարդները, էն հավեսով ջահելնեը, ազդեցիկ մասսան , հասարակական կարծիք ստեղծող մասսան կարծում ա, որ դուք փողով ընտրված եք, իսկ էդ պարտվելուց ահավոր ա, պարտվելուց բեթար ա հասկանում ե՞ք, փողով ընտրվածը ամենամեծ հայհոյանքն ա: Խոսքս հիշեք, մոտակա ամսիներին, կհասկանաք դուք դա, դա ամենամեծ անպատվություննա: Ամեն անգամ Տարոնին նայելուց մարդիկ ասելու են փողով ընտրված քաղաքապետը մեր: Ինչ էլ անի խեղճ Տարոնը՝ մետրոյի նոր կանգառներ սարքի, բոլոր շենքերի լիֆտերը փոխի, իրան ասելու են դե փողով ընտրված քաղաքապետն ա, ես ցավում եմ դրա համար, շատ եմ ցավում: Գիտե՞ք թող պարտվեր, ի միջիայլոց, եթե փող չբաժանեիք շատ հնարավոր էր, որ ինքն էլ ընտրվեր բայց եթե պարտվեր գոնե կիմանաին արդար ընտրություններում պարտվեց, և եթե նրանք ովքեր դառնային քաղաքապետ, ավագանում մեծամասնությունը լինիեին, չկարողանային աշխատեին, ձախողեին , այ էդ վախտ թող մարդիկ ասեին հալալ չէ՞ր Տարոնին, բայց հիմա կասեն փողով ընտրված քաղաքապետ, անկեղծ շատ եմ ցավում դրա համար:

Լավ հիմա անցնեք մյուս ուժերին՝ Ելքը: Ուրեմն Ելք ջան ես մի բան խորհուրդ տամ ձեզ հաջորդ ընտրությունների համար հա , որ դուք բակից բակ տենց հայաթից հայաթ, թաղամասից թաղամաս շրջում եք ակտիվ, քարոզարշավ եք տանում հետներդ մի հատ մատիանով գրող տարեք թող քաղաքացիների հետ ինչ որ խոսում եք գրի առնի և ձեր կայքում հրապարակեք կոնկրետ լուծումները, ասենք էսինչ փողոցի էսինչ բակում կլինի խաղահրապարակ ընտրվելու դեպքում՝ ընտրվելուց հետո 2 ամսից, էսինչ փողոցի, էսինչ բնակարանի կտուրը կվերանորոգվի՝ ընտրվելուց էսինչ ժամանակ անց, էսինչ բակում էսքան ծառ ա տնկվելու էս բանի ծառերից, էս սորտի ծառերից, էսքան ժամանակահատվածում: Էս հասցեով գտնվող վթարային վերելակը փոխվելու է էսինչ ժամկետում ընտրվելու պարագայում և այդ ամենը կոնկրետ գրեք, հրապարակեք ձեր կայքում: Եվ ընդհանրապես երևանցին տենց մատերիալիստ չի մենակ էլի, հուսանք իհարկե , բայց փաստերը ուրիշ բան են ասում, բայց հուսանք:

Երևանցուն ընդհանուր լուծումենր էլ ա պետք , այ օրինակ եթե դուք լսեք իմ էպիզոդ 5-ը, որը կոչվում է Ինչպես ընտրել, էնտեղ ես կոնկրետ առաջարկ եմ անում, այսինքն ասում եմ ինչ է նշանակում կոնկրետ առաջարկը՝ օրինակ Երևանի բոլոր նորակառույց շենքերի մինիմում 15%-ը լինելու է կանաչապատ, Երևանի քաղաքապետարանը ոչ մի նոր շաինարարության թուլտվություն չի տալու եթե նոր շինարարության 15%-ը չլինի կանաչ տարածք, կոնկրետ, ընդհանուր առաջարկ:

Օրինակ, չգիտեմ, ով ունի էլեկտրական մեքնեա կամ կիսաէլեկտրական մեքենա կայանելը անվճար ա Երևանում, կոնկրետ առաջարկ ա՞ չէ, կամ Երևանի տարածքում արևային էներգիա օգտագործող, արևային էներգիայով աշխատող բիզնեսները քաղաքապետարանի կողմից կստանան անվճար հարթակներ, որոշ ժամկետով, որոշ տարածքներում, կոնկրետ առաջարկ ա՞ չէ, կոնկրետ առաջարկ ա:

Ախր դուք իրոք լուսավոր և շատ ազնիվ երիտասարդներ ունեք ձեր շարքերում, օգտագործեք իրանց ուղեղները : Հասկանում եմ ժամանակը քիչ էր, հասկանում եմ առաջին փորձն էր, հասկանում եմ դուք երիտասարդ ուժ եք, շատ լավն եք, զարգացեք, դուք շատ ավելի շատ բան կարող եք անել:

Վերջապես Երկիր Իմ Ծիրանի, էս նորաստեղծ կուսակցությունն էլ շատ հետաքրքիր մի ընտրարշավ սկսեց: Նախ սկսեց ցեխ շպրտելով Ելքի վրա, տհաճ էր իհարկե էդ ամեն ինչը, Ելքը լռում էր , հետո Զարուհին շարունակում էր գրոհել, հետո մի պահ՝ ընտրարշավի էն ամենաթեժ պահերին, թողեցին, լքեցին հանրապետությունը, գնացին Արևմտյան Հայաստան, հետո հետ էկան Արևմտյան Հայաստանից, գնացին Տարոն Մարգարյանենց տան մոտ կանգնեցին, մոր հետ խոսացին, հետո պարզվեց, որ իրանց ծրագիրը Հրանտ Բագրատյանի տարիներ անց գրած դրույթներից ա արտագրված, բայց միևնույն ժամանակ ոչ Երևանի մասին և ոչ արդիական թվերով: Հետո Զարուհի Փոստանջյանը մեղադրեց Նիկոլ Փաշինյանին հանցագործության մեջ, հետո Ռուբեն Հախվերդյանի համերգին շատ քիչ մարդ գնաց , ինձ թվում ա էդ պահին Զարուհի Փոստանջյանը հասկացավ, որ պետք է մի քիչ տակտիկան փոխեր և անմիջապես հաջորդիվ, հաջորդ օրը ներխուժեց ՀՀԿ շտաբ և մենք բոլորս գիտենք ինչ եղավ դրանից հետո, որի համար իրոք ցավում եմ, դրա մասին չի խոսքը , բայց եթե դա չփոխեր իրա տակտիկան երևի Զարուհի Փոստանջյանը՝ Երկիր Ծիրանիի կուսակցությունը, կստանար մոտ 2% ձայն, հիմա ստացել ա մի քիչ ավել:

Այսպիսով, երբ որ իրանք ասում էին – մենք վերցնելու ենք քաղաքապետարանը, շատ էրոտիկ ա հնչում էլի ՝ վերցնելու ենք, բայց պետք է հասկանալ, որ քաղաքի ղեկավար պետք է ընտրվել, պետք է արժանանալ այդ պատվին այլ ոչ թե վերցնել կամ փողով դառնալ, այսքանը, մնացեք բարով: